Ali dövlət hakimiyyəti orqanları
Ali dövlət hakimiyyəti orqanları - dövlət
funksiyalarını və məsələlərini öz səlahiyyətləri çərçivəsində
həyata keçirmək məqsədi ilə, qanuni (Konstitusiya ilə)
bərkidilmiş, dövlət-hakim səlahiyyətləri ilə təchiz edilmiş,
dövlət məmurlarından ibarət olan (bəziləri bir şəxs tərəfindən,
digərləri kollegial şəkildə idarə olunan), təşkilati və təsərrüfatı
baxımından təmin edilmiş, dövlətin bütün orqanları
sisteminə və vətəndaşlara başçılıq edən dövlətin Ali idarəetmə
orqanları.Ali dövlət hakimiyyəti orqanları hakimiyyət səlahiyyətləri tətbiq
olunarkən, onlara qarşı hər hansı bir təzyiq göstərilməsi,
maneçilik törədilməsi yol verilməzdir, onlar tərəfindən qəbul
edilən aktların (Qanunlar, Fərmanlar, qərarlar və s.) icrası
aşağı dövlət və qeyri-dövlət strukturları və vətəndaşlar
(insanlar) üçün məcburidir, əks halda, həmin aktların icra
edilməməsi müəyyən hüquqi məsuliyyətə səbəb ola bilər.
Dövlətlərin quruluşundan asılı olaraq ali dövlət hakimiyyəti orqanları formalaşması
qaydası, tərkibi, səlahiyyət və funksiyaları müxtəlif
ola bilər. Azərbaycan Respublikasında Ali dövlət hakimiyyəti orqanları strukturuna
Qanunvericilik, İcra və Məhkəmə hakimiyyəti orqanları
daxildirlər.
