Nyu-Yorkda “Nizami Gəncəvi: Şair və Müdrik” kitabının təqdimatı keçiriləcək

Nyu-Yorkda “Nizami Gəncəvi: Şair və Müdrik” kitabının təqdimatı keçiriləcək

Share on facebook
Share on twitter
Share on vk
Share on odnoklassniki
Share on whatsapp
Share on skype
Share on telegram
Share on email

Nizami Gəncəvi Beynəlxalq Mərkəzindən verilən məlumata görə, Nizami Gəncəvi Beynəlxalq Mərkəzinin həmsədri İsmayıl Seragəldinin müəlifliyi ilə hazırlanan Nizami Gəncəvi: Şair və Müdrik kitabının BMT-nın Baş Assambleyası çərcivəsində təşkil olunan XXI ali səviyyəli toplantı çərçivəsində təqdim olunacaq.

Latviya Respublikasının Prezidenti (1999-2007), Nizami Gəncəvi Beynəlxalq Mərkəzinin həmsədri Vaira Vīķe-Freiberga bildirib ki, bir millətin mədəni irsi, mənəvi zənginliklərinin bir hissəsi olaraq, istifadə edə biləcəyi maddi sərvətlərdən daha qiymətlidir: “İsmayıl Serageldinin Nizami Gəncəvi haqqında kitabının Mərkəz tərəfindən nəşr edilməsi Nizami Gəncəvi tədqiqatında yeni bir dövrün başlanğıcını göstərir. Ümid edirik bu, həm azərbaycanlı, həm də beynəlxalq müəlliflərin Nizami irsinin alovunu yaşatmağa yönəlmiş nüfuzlu nəşrlər silsiləsinin başlanğıcı olacaq”.

Finlandiya Respublikasının Prezidenti (2000-2012), Nizami Gəncəvi Beynəlxalq Mərkəzinin İdarə Heyətinin üzvü Tarja Halonen qeyd edib ki, nəşr bu böyük şair və filosof haqqda bilikləri genişləndirəcəkdir: “Beynəlxalq dialoqa, öyrənməyə, tolerantlığa və anlayışa hər zamankındən daha çox ehtiyac var”.

Nizami Gəncəvi Beynəlxalq Mərkəzinin Baş Katibi Rövşən Muradov hesab edir ki, Azərbaycan Respublikası Prezidentinin sərəncamı ilə keçirilən Nizami Gəncəvi 880 illiyi çərçivəsində Baş Katibliyin bu layihənin reallaşdırılması bizim üçün çox önəmlidir./APA