MİNLƏRLƏ MƏDƏNİ İRS NÜMUNƏSİ İRAQA QAYTARILIB

İraq ölkədən qeyri-qanuni çıxarılmış 18 min mədəni irs nümunəsini geri qaytarıb.

Bunu bazar günü xarici işlər naziri Fuad Hüseyn Qədim Sivilizasiyalar Forumunun açılışında çıxış edərkən bildirib.

O, bəşəriyyətin mədəni irsinin qorunması və qaçaqmalçılığın qarşısının alınması üçün beynəlxalq mexanizmin yaradılmasına çağırıb.

Qaytarılan qədim dövr əşyaları arasında Mesopotamiya tarixinin müxtəlif dövrlərinə aid saxsı qablar, mixi yazısı olan gil lövhələr, silindir möhürlər var.

Mənbə: TASS