Məşhur italyan siyasətçinin qızı İslama necə gəldiyindən və hicab taxmasından danışıb.
Keçmiş italiyalı deputat Franko Barbatonun qızı Manuela Barbato 22 yaşında təhsillə bağlı xaricdə səfərdə olarkən dinlə maraqlanıb.
Manuela deyir ki, İslam dərhal ona “gerçəklik dini” və “ruhun təmizlənməsi yolu” kimi görünüb.
“Mən əldə etdiyim ruh saflığı ilə fəxr edirəm” deyə italyan xanım əlavə edib.
Qız İslamı qəbul edib, sonra isə həyat yoldaşı ilə – həm də müsəlmanla tanış olub və onunla Hindistana gedib.
Hazırda özünü Aişə adlandıran Manuelanın evlilikdən iki övladı var və o, yeni həyat tərzi ilə xoşbəxtdir. Bununla belə, İtaliyada tanınmış siyasətçi atası qızının seçiminə son dərəcə mənfi reaksiya verib. O hətta mediada qəzəbli şərhlərlə çıxış edib, xüsusən də qızının namaz qılmağa necə tələsməsinə qəzəblənib və Manuelanın dini inanclarını “fanatizm” adlandırıb. Lakin Aişə Barbato atasının yanlış fikirlərinə diqqət etmədən müsəlman həyatına inamla davam edir./moderator
