Dekabrın 19-da Marneulidə “Aktual Media” – Aktual.ge Xəbər Portalının növbəti dəfə “Aktual Məktəb” adını verdiyi jurnalistika kursunun tələbələri üçün xüsusi seminar görüş keçirilib.
Aktual.ge xəbər verir ki, seminarda beynəlxalq hüquq fakultəsinin magistatura məzunu və fəlsəfə magistatura məzunu Kamran Məmmədov “Biz və media” adlı seminar görüşə spikerlik edib.
K.Məmmədov görüş çərçivəsində beynəlxalq hüquq, cəmiyyətdə medianın rolu, sosial şəbəkələrin insan həyatına təsiri, əməkdaşlıq və s. məsələlər barədə gənclərə məlumat verib.
Sonda isə sual cavab şəklində yekunlaşan seminarda kursun təlimçilərindən biri, AZƏRTAC-ın xüsusi müxbiri Xətayi Əzizov və “Aktual Media”- Aktual.ge Xəbər Portalının qurucusu İlkin Hüseynov da mövzu ilə bağlı çıxış edib, fikirlərini bölüşüblər.
