“İQNA”, “Şəfəqna”-ya istinadən xəbər verir ki, təfərrüatları yerli mətbuatda dərc olunan təhlükəsizlik sənədinə görə görünən odur ki, danimarkalı-isveçli ifratçı sağçı Rasmus Paludanın İsveçdə Quran yandırmaq səyləri iki həftə əvvəldən təhlükəsizlik orqanları tərəfindən qadağan edilib.
Son həftələrdə, yanvarın 21-də Türkiyənin Stokholmdakı səfirliyi qarşısında Quran yandırdıqdan sonra Paludan bir çoxlarının dramatik və təxribat xarakterli hesab etdiyi etiraz dalğasına səbəb oldu.
Keçən yanvarın sonundan bəri bu ifrat sağçı şəxs Quranın daha çox nüsxəsini yandırmaqla öz hərəkətlərini genişləndirməyə çalışıb. Təhlükəsizlik araşdırmaları göstərir ki, Türkiyə və Suriyadakı zəlzələnin nəticələrinə diqqət yetirən Paludan Türkiyəyə İsveç və Finlandiyanın Natoya üzvlüyünü qəbul etməsinə təzyiq göstərmək üçün daha çox Quran nüsxəsini yandırmağa təhlükəsizlik icazəsi almağa çalışıb.
Stokholmda çıxan “Dagens Nyheter” qəzetinin məlumatına görə, İsveç polisi və kəşfiyyat xidməti Paludana Quranı yandırmaq icazəsinin verilməsinin qarşısını almaq üçün onun hərəkətləri nəticəsində yaranan təhlükəsizlik riskləri ilə bağlı məlumat verib.
