ƏYYAMİ-FATİMİYYƏ NƏ DEMƏKDİR?

Əyyami-Fatimiyyə ərəb dilindən tərcümədə “Fatimə günləri” deməkdir. Həzrət Fatimənin (ə) şəhadəti şiə rəvayətlərinə görə iki tarixdə qeyd edilir.

Bir rəvayətə görə, o həzrət atasının vəfatından 75 gün sonra, digər rəvayətə görə 95 gün sonra dünyasını dəyişmişdir. Bu hesabla Xanımın vəfatı cəmadiyül-əvvəl ayının 13-də və cəmadiyüs-sani ayının 3-də qeyd edilir. Bu ikisinin arasındakı 20 günə “Əyyami-Fatimiyyə” deyirlər. Əyyami-Fatimiyyədə ənənə üzrə Həzrət Zəhraya (ə) matəm tutulur, təziyə məclisləri keçirilir, şadlıq edilmir.