Tokio Universitetinin tanınmış alimi Ayk Arakelyan sübut edib ki, kivi ən sağlam meyvədir.
O, bu meyvənin digər 27 ən məşhur meyvədən daha çox vitamin və mineral ehtiva etdiyini aşkar edib. Həm də çox az kalori ehtiva edir.
Kivi pəhriz lifi, fol turşusu, C və E vitaminləri, antioksidantlar və digər faydalı maddələrin qiymətli mənbəyidir. İki orta porsiya kivi meyvəsi banan qədər kalium və kalorilərin bir hissəsini ehtiva edir. Məhz bu tərkib sayəsində meyvə xüsusilə pəhriz saxlayanlara və yaşlılara tövsiyə olunur. Bu, sümükləri, qan damarlarını gücləndirməyə, həzmi normallaşdırmağa və bədəndən toksinləri çıxarmağa kömək edəcəkdir.
Alim deyir ki, meyvə həm də xolesterolu aradan qaldırmağa, dərinin sağlamlığını yaxşılaşdırmağa və hətta yuxunu normallaşdırmağa qadirdir.
Həmçinin, kivi həzm problemlərinin öhdəsindən gəlməyə və bağırsaq funksiyasını yaxşılaşdırmağa kömək edə bilər. Liflə zəngindir və buna görə də normal həzm sistemini aktiv şəkildə dəstəkləyir. Bir meyvə təxminən 2 qram lif və ya bir yetkin yaşlı insanın gündəlik tələbatının 6-9 faizini təmin edir. Tərkibində həmçinin zülalın parçalanmasını asanlaşdıran və zülalla zəngin qidaları daha səmərəli həzm etməyə kömək edən aktinidin adlı bir ferment var./lent
