“Wistron Foldbook” planşeti böyük ekranla təchiz edilib

“Wistron Foldbook” planşeti böyük ekranla təchiz edilib

Share on facebook
Share on twitter
Share on vk
Share on odnoklassniki
Share on whatsapp
Share on skype
Share on telegram
Share on email

Elektron qurğuların hazırlanması ilə məşğul olan Tayvanın məşhur “Wistron” şirkəti müxtəlif rejimlərdə istifadə edilən “Foldbook” adlı konseptual kompüter təqdim edib.

Milli.Az ictnews.az-a istinadən bildirir ki, baza vəziyyətində qurğu 17 düymlük böyük elastik ekranla təchiz edilən planşet rolunda çıxış edir. Ekran tən ortadan bölünür. Həmçinin iki quraşdırılmış dinamik və iki “USB Type-C” portu nəzərdə tutulub.

Qurğunu əyməklə noutbuk rejimini aktivləşdirmək mümkündür. Bu halda qurğunun aşağı hissəsinə mətnlərin rahat yığılmasını və gündəlik vəzifələrin yerinə yetirilməsini yüksəldəcək çıxarılabilən klaviaturanı bərkitmək olar.

“Foldbook” üçün böyük dinamikə və çoxlu çıxışlara (HDMI, Ethernet, USB Type-A və s.) malik xüsusi birləşdirici stansiyadan istifadə imkanı nəzərdə tutulub. Qurğunu stansiyaya quraşdıraraq və qeyd olunan klaviaturanı yaxınlıqda yerləşdirərək monoblok kompüter analoqunu yaratmaq olar.

Hazırda “Foldbook” planşeti konsept şəklində mövcud olduğundan qeyri-adi qurğunun texniki xüsusiyyətləri açıqlanmır.