Madaqaskarda 15 nəfər tısbağa ətindən zəhərlənərək ölüb

Madaqaskarda 15 nəfər tısbağa ətindən zəhərlənərək ölüb

Share on facebook
Share on twitter
Share on vk
Share on odnoklassniki
Share on whatsapp
Share on skype
Share on telegram
Share on email

Madaqaskarın şərqində azı 15 nəfər dəniz tısbağası ətinin istifadəsi nəticəsində ölüb.

oxuinfo.com apa.az portalına istinadla xəbər verir ki, bu barədə yerli “Gazette de la Grande Isle” qəzeti yazıb.

Məlumata görə, Vatumandri şəhərində (Asinanana bölgəsi) baş vermiş hadisə zamanı ölənlərin yarıdan çoxu uşaqlardır.

Digər yerli qəzet “Express de Madagascar” yazıb ki, yerli bir balıqçı şənbə günü dəniz tısbağası tutub və onun ətini bazarda qanunsuz olaraq satıb. Ümumilikdə təxminən 100 nəfərdə zəhərlənmə müşahidə edilib.

Bölgənin qubernatoru Rişar Teodor Rafidison və yerli Səhiyyə Nazirliyinin rəhbəri Mari-Selestin Zafiarison təcili olaraq kütləvi zəhərlənmənin qeydə alındığı bölgəyə gedib.

Qeyd edilir ki, tısbağanın və bir sıra digər dəniz canlılarının əti bazarda sərbəst satışı qadağan olunan məhsullar siyahısına daxil edilib. Buna baxmayaraq, ölkədə hər il dəniz məhsullarından zəhərlənmə halları qeydə alınır.